O Concello de Salceda de Caselas ven de asinar coas asociacións os convenios de colaboración para o ano 2021, que lles permitirá percibir en total 126.751,40€. Estas axudas, as máis altas da historia veñen recollidas no orzamento 2021 como subvencións nominativas e destínanse a colaborar na sufragación dos gastos de funcionamento e de actividades das entidades.

O concello está a levar a cabo a hidrolimpeza das fachadas, dos caleiros e dos sumidoiros de pluviais do CRA Raíña Aragonta.

Neste enlace poderás seguir en directo a sesión plenaria extraordinaria PLN/2021/11 que se celebra o xoves 5 de agosto de 2021.  

Desde o 2014 o concello de Salceda de Caselas formaba parte da rede de Aulas Auxiliares, pasando agora a ser titular da Aula Mentor, formando parte así da estruturaorgánica básica do Ministerio de Educación e Formación Profesional.

O Concello de Salceda de Caselas ven de nomear o que será o seu primeiro oficial de policía, logo dun proceso de promoción interna ao que se presentaron un e unha axente dos seis que forman actualmente o corpo de seguridade do municipio. O nomeamento deste oficial, xunto co da tesoureira habilitada nacional que se produciu fai uns meses eran compromisos do pacto de goberno entre MS e PSOE, e faise realidade logo dun proceso iniciado no ano 2020.