Cultura e festas

Salceda presenta o Entroido máis antigo da comarca

O Cruceiro de Fonte da Pedra, lugar emblemático na loita carnavaleira de Castro Barreiro e A Feira, foi o marco escollido para a presentación da festa de Entroido de Salceda de Caselas. Estes dous barrios levan máis de 130 anos enfrontándose ano tras ano nestas datas, convertendo a Salceda no centro neurálxico do Entroido no sur da provincia de Pontevedra.

Bases desfile Entroido 2024

Aquí podedes acceder ás bases que rexerán o XXV Desfile de Carrozas e Comparsas de Entroido que se celebrará o vindeiro 11 de febreiro Bases Entroido 2024

Salceda presenta o seu Nadal con máis de vinte actividades para todos os públicos

A terceira edición do Pequeno Circo de Nadal, convertido xa nun referente na contorna será o prato forte da programación cultural.

A Casa da Cultura Castelao acolleu esta mañá a presentación da programación de Nadal do Concello de Salceda de Caselas, e que contará con máis de 20 actividades coordinadas pola Concellería de Cultura que dirixe Alex Rodríguez Canosa, orientadas a todos os públicos mais principalmente ao público infantil.

Unanimidade para pedir a reposición do Acueducto do Pontillón

O Pleno da Corporación Municipal de Salceda aprobou por unanimidade a moción presentada polos grupos de goberno (MS e PSOE) para a protección do patrimonio natural fluvial existente no río Caselas, pedindo expresamente a reposición do acueducto do Pontillón entre as parroquias de Caldelas e Arantei que recentemente foi desmontado durante a execución das obras de “Mellora da permeabilidade no río Caselas” por parte da Confederación Hidrográfica Miño-Sil.