Cada dous días reúnese o comité de seguemento do COVID 19, presidido pola alcaldesa, con participación da concelleira de sanidade, o portavoz da oposición e a xefa de servizo do centro de saúde, no que se actualizan os datos da área sanitaria de Vigo e no que se establecen as medidas precisas a tomar por prevención, así como o protocolo de actuación cando xurde algún positivo no municipio.

Resumo das diferentes medidas que se van publicando no DOG e no BOE, así como as informacións de interese publicadas dende o Concello.

O equipo de goberno de Salceda visitou esta semana as obras de construcción do novo centro de saúde, na Rúa Mártires de Sobredo. O encargado da construcción do edificio trasladoulles á alcaldesa e aos concelleiros e concelleiras que a acompañaron o estado actual das obras, que avanzan a bo ritmo, e que neste momento se atopan no proceso de instalación dos elementos precisos para os diferentes suministros: electricidade, auga, climatización, gas, etc.

A Casa da Cultura de Salceda de Caselas acollerá, hoxe venres 29 de decembro ás 19:30 horas, a presentación do Calendario Solidario da Asociación Cancro de Mama ‘Pilar Domingo’.