Alcaldía

Salceda amplía a superficie do Penedo Redondo ata os 13.100 m2

A Alcaldesa de Salceda, Loli Castiñeira, e o Presidente da Comunidade de Montes de Parderrubias, Jose Estévez, veñen de asinar o acordo de cesión de 13.100 m2 de terreo comunal na zona do Penedo Redondo que lle permitirá ao Concello a construción dun novo campo de fútbol 8 así como dunha área de adestramento de porteiros/as, para dar cabida deste xeito ás case 400 persoas que se prevé que fagan uso das instalacións a vindeira tempada

Primeiras sancións por non recoller os excrementos das mascotas

As sancións, por un importe de 300 € que se verá incrementado en caso de reincidencia, veñen a intentar solucionar un problema de ornato público que en determinados momentos resulta demasiado reiterado no casco urbano da vila, coas consecuentes molestias ao tráfico peonil.

Bota a andar o gabinete psicolóxico da man de Avelaíña

Dende comezos do mes de xullo funciona xa o gabinete de atención psicolóxica de Salceda de Caselas, que xorde ante a necesidade de proporcionar apoio e asesoramento psicolóxico individual e familiar a todas as persoas que o precisen, sendo previamente derivadas dende os Servizos Sociais. O gabinete supón un investimento anual de 10.925 €, financiado dentro do Plan Concellos da Deputación de Pontevedra.

Salceda presenta un Verán Cultural atractivo e seguro

  A Casa da Cultura Castelao acolleu esta mañá a presentación do Verán Cultural da man do Concelleiro de Cultura Alex Rodríguez e a alcaldesa Loli Castiñeira, que este ano por mor da COVID19 se reduce a unha semana na que se congregarán unha ducia de actividades.

23 locais adheríronse á plataforma de venta online de Salceda

A plataforma “De barrio” bota a andar tamén no Concello de Salceda con 23 comercios inicialmente, que se prevé sexan máis nos vindeiros días. O Concello colabora deste xeito co sector do comercio, asumindo os custos das altas no servizo e de mantemento neste primeiro ano.

Primeiro « 1314151617 » Último