|
|
Inicio
|
Contacto
|
|
O prazo para solicitar autorización para facer fogueiras na noite de San Xoán remata o vindeiro 16 de xuño. Poderá solicitarse de xeito presencial na Casa do Concello ou a través da sede electrónica, anexando a declaración responsable.
O concello de Salceda de Caselas vén de rematar a primeira fase do seu Plan Anual de Desbroces que botou a andar no mes de febreiro. O equipo de goberno dá resposta deste xeito ao seu compromiso electoral que trata de acometer unha actuación planificada e ordenada das tarefas de mantemento dos principais viais e camiños de propiedade municipal.
Este sábado as persoas amantes da cultura urbana teñen cita en Salceda de Caselas co festival A Revolta Fest, que este ano estrea nome coa pretensión de acadar un maior impacto e repercusión a nivel internacional, para converterse nun dos eventos de referencia dentro desta disciplina.
Arranca a terceira edición do Programa Xuntas dirixido ás mulleres de Salvaterra de Miño, Salceda de Caselas e As Neves con 200 horas de actividades, formación e asesoramento especializado e individualizado para todas as participantes.
As obras de mellora na Portela e en Pedrabuxiña supuxeron un investimento de 55.095,64€ financiados pola Unión Europea no marco estratéxico da PAC a través do Fondo Europeo Agrícola de Desenvolvemento Rural (Feader), e polo Concello de Salceda de Caselas.
