Este xoves celebrouse a reunión de organización do Consello de Participación Veciñal, presidido pola alcaldesa Verónica Tourón.

Unha vez actualizado o Rexistro Municipal de Asociacións, un total de 49 asociacións do eido educativo, cultural, social, veciñal, comercial, deportivo, de montes, etc. solicitaron formar parte deste Consello. Nesta primeira reunión participaron a maior parte delas e acordouse celebrar a sesión constitutiva do consello o próximo 18 de novembro.

O Concello de Salceda de Caselas informa da apertura do prazo para a solicitude das axudas de aos sectores máis desfavorecidos da pandemia. O orzamento destinado ascende a 26.714,95 euros dentro da liña 2 do Plan Concellos da Deputación de Pontevedra, e a contía ascende a 500 euros por solicitante.

O Concello de Salceda de Caselas lanza a campaña “Sen Clientes non Hai Explotación” contra a prostitución e a explotación sexual.

A través da área de Igualdade que dirixe Loli Castiñeira, o Concello de Salceda ven de impulsar a Campaña “Sen Clientes non Hai Explotación”, unha acción de sensibilización cidadá contra a prostitución e a explotación sexual que pon a lupa nos clientes e consumidores de prostitución e aborda a realidade desta gravísima violación dos dereitos humanos que constitúe unha forma de violencia contra as mulleres.

O Concello de Salceda de Caselas, xunto co de Salvaterra de Miño, ven de recibir unha subvención da Consellería de Emprego e Igualdade de 346.986 euros para a realización do proxecto dun obradoiro dual de emprego denominado “Sustentable”.

O Obradoiro de Emprego que se vai realizar contará coas seguintes especialidades:

Nivel 2: (SEAG0209) LIMPIEZA EN ESPACIOS ABERTOS E INSTALACIÓNS INDUSTRIAIS e (SEAG0108) XESTIÓN DE RESIDUOS URBANOS E INDUSTRIAiS

Nivel1: (AGAR0309) ACTIVIDADES AUXILIARES EN CONSERVACIÓN E MELLORA DE MONTES.  (AGAJ0108) ACTIVIDADES AUXILIARES EN XARDÍNS E CENTROS DE XARDINERÍA e (AGAR0209) ACTIVIDADES AUXILIARES EN APROVEITAMENTOS FORESTAIS