Inscrición no Campamento de Verán e nas Piscinas Municipais
Descarga aquí os formularios de inscrición no campamento de verán e nos cursiños de natación da Piscina Municipal. Entrégaos cubertos na Casa da Cultura Castelao.
Novas
O I Plan de Mobilidade Sustentable chega ao momento da participación da veciñanza
Dentro proceso de elaboración do I Plan de Mobilidade Sustentable de Salceda de Caselas, despois da xornada de xuntanzas con colectivos, asociación e partidos políticos, abre agora a participación á totalidade da veciñanza de Salceda, que terá opción de cubrir unha enquisa online na que poderán recoller as súas inquedanzas e propostas como residentes.
Marc, o mono que naceu dun ovo, achega a transexualidade a Salceda
Chrysallis Galicia, Asociación de Familias de Menores Transexuais, da man da súa Vicepresidenta Eva Serantes, presentou en Salceda de Caselas o conto infantil “Marc, o mono que naceu dun ovo”. O relato, escrito por José Luis e Saúl Serantes Vaz, conta a historia de Marc, un mono que polo feito de ter nacido dun ovo está obrigado a ser unha ave, cando a realidade é que é un mono.
II Mostra de Maios e concerto de Roberto Oliveira para celebrar as Letras Galegas
O xoves 17, Día das Letras Galegas, os actos comezarán ás 11:00 horas na Praza do Concello coa apertura da II Mostra de Maios na que xa teñen confirmada a súa participación máis dunha ducia de asociacións, colexios e colectivos.
Máis de 12.000 bocadillos vendidos na primeira edición do Bocaselas
A primeira edición do Bocaselas rematou este sábado 12 de maio, cun balance de éxito absoluto. Partindo dunha previsión inicial duns 7.000 bocadillos, o certo é que a cifra case se duplicou ao longo das catro fins de semana de Bocaselas, superando os 12.000 bocadillos vendidos.