Pleno extraordinario 03 de xuño de 202
Neste enlace podes seguir o Pleno extraordinario que se celebra o 3 de xuño de 2021 ás 9:30
Xerais
Salceda e As Neves asinan un convenio para compartir infraestruturas medioambientais
A alcaldesa de Salceda de Caselas, Loli Castiñeira, e o alcalde das Neves, Xosé Manuel Rodríguez, asinaron este venres un convenio que regula a cesión gratuita, por parte das Neves, dunha máquina trituradora de refugallos de poda e reciclaxe de refugallos vexetais.
Salceda completará a humanización de Fernández Sestelo con 150.000 €
O Concello de Salceda de Caselas levará a cabo o proxecto de reurbanización da Rúa Joaquín Fernández Sestelo, no seu tramo entre o entronque coa rúa Compostela e a Praza da Devesa, completando deste xeito o proceso de humanización de toda a rúa, xa que nos últimos anos xa se ten actuado nos tramos entre a Praza do Concello e a Rúa Compostela, así como na zona da Praza da Devesa.
En exposición pública a numeración das parroquias
Ata o vindeiro xoves 27 de maio permanecerá en exposición pública a nova numeración das parroquias de Salceda de Caselas, para que as persoas afectadas poidan realizar alegacións se o consideran oportuno. Os documentos pódense consultar xa na páxina web do Concello (www.salcedadecaselas.gal), e para consulta presencial ou aclaración de dúbidas é preciso pedir cita previa a través dos teléfonos do Concello ou da propia páxina web.
Unanimidade para pedir a reposición do Acueducto do Pontillón
O Pleno da Corporación Municipal de Salceda aprobou por unanimidade a moción presentada polos grupos de goberno (MS e PSOE) para a protección do patrimonio natural fluvial existente no río Caselas, pedindo expresamente a reposición do acueducto do Pontillón entre as parroquias de Caldelas e Arantei que recentemente foi desmontado durante a execución das obras de “Mellora da permeabilidade no río Caselas” por parte da Confederación Hidrográfica Miño-Sil.