|
|
Inicio
|
Contacto
|
|
O Comercio ALMA realizou unha campaña de recollida de alimentos para o Programa de Alimentos do Concello de Salceda de Caselas, con motivo da carreira solidaria da San Silvestre, realizando descontos nos artigos en proporción aos alimentos donados. Dende o Concello de Salceda de Caselas queremos agradecerlle esta gran iniciativa.
A V San Silvestre Solidaria recaudou máis de 500 quilos de productos para o Programa Municipal de Alimentos. 815 participantes de tódalas idades tomaron a saída desta carreira popular.
Compoñentes do voluntariado de Salceda de Caselas, visitaron os centros para recoller as doacións que, alumnos e alumnas, fixeron a este programa solidario posto en marcha polo Concello de Salceda a través da Concellería de Benestar que dirixe Teresa Pérez.
O Concello de Salceda de Caselas, xunto coas ANPAs e o CRA estamos a desenvolver un traballo moi importante de cara a separación do lixo para diminuir o lixo que se está a derivar directamente ao contedor verde. O mércores 23 ás 16:30 na Praza do concello participa na xinkana “axúdanos a reciclar”.
Salceda de Caselas celebrará o día 26 de decembro, ás 21:00, e por quinto ano consecutivo, a súa Carreira Solidaria de San Silvestre, unha iniciativa que ten como finalidade a recadación de alimentos para o Programa de Alimentos do Concello. Será un xeito de facer deporte e, ao mesmo tempo, axudar a aqueles que máis o necesitan.
