O Concello de Salceda de Caselas ven de solicitar unha subvención ao IDAE (Instituto para la Diversificación y Ahorro de la Energía) para o cambio de todas as luminarias do concello por importe de 1.435.031,82€, a cargo dos fondos europeos do programa de rexeneración e reto demográfico do plan de recuperación, transformación e resiliencia.

Aquí podes consultar as bases do I Concurso de Fotografía Contra a Violencia de Xénero

A agrupación de PC  de Salceda e o Concello organizaron unha recollida de produtos de hixiene persoal o pasado mes de outubro, para axudar na medida do posible a paliar as necesidades que están a sufrir as preto de 7000 persoas desprazadas dos seus fogares debido as consecuencias do desastre natural do volcán da Illa de Palma.

O Concello de Salceda de Caselas presentou o seu 1º concurso de pinchos e tapas #ConSalceda. Na presentación a concelleira de comercio e alcaldesa Verónica Tourón estivo acompañada por Acisa, xa que a asociación colabora nesta iniciativa do concello, representada pola súa presidenta Elisa Rodríguez Vaqueiro e polo representante da hostalería Marcos Salgueiro Montenegro. Ao acto tamén acudiu a tenente de alcaldesa Loli Castiñeira.

O Pleno da Corporación do Concello de Salceda de Caselas aprobou por unanimidade o pasado xoves a modificación da ordenanza fiscal reguladora do Imposto de Vehículos de Tracción Mecánica para incluír unha bonificación do 75% para os vehículos máis eficientes, os de cero emisións e os cualificados eco.