|
|
Inicio
|
Contacto
|
|
O vindeiro martes, 15 de marzo, ás 20 h a Casa da Cultura de Salceda de Caselas acollerá unha charla informativa sobre o programa de axudas á mocidade ‘Iniciativa Xove’, que será presentada pola Concelleira de Mocidade do Concello de Salceda, Carla Pérez.
Adheríndose á Campaña especial da Dirección Xeral de Tráfico sobre Cinturón de Seguridade e Sistemas de retención Infantil, a Policía Local de Salceda vai realizar controles durante a vindeira semana, do 14 ao 20 de marzo.
A Concelleira de Sanidade do Concello de Salceda de Caselas, Loli Castiñeira, xunto co Alcalde da localidade, Marcos Besada, veñen de manter unha xuntanza con Pablo Braña, Responsable da Area Social da Xunta Provincial de Pontevedra da Asociación Española contra o Cancro (AECC).
A Deputación Provincial ven de financiar con 3.422,77 euros o mantemento de tres meses do Campo de Fútbol Municipal da Gándara. O orzamento destes tres meses ascende a 4.210 euros, sendo o Concello de Salceda de Caselas o encargado de asumir os 787,32 euros restantes.
O programa vai dirixido ás persoas maiores de 65 anos sen deterioro cognitivo, interesadas na prevención deste deterioro e no coñecemento do envellecemento activo. Levarase a cabo os martes a partires das 11:00 no centro Social da Devesa, e correrá a cargo de AFAGA (Asociación de Familiares de Enfermos de Alzheimer e outras demencias de Galicia)
