SANTO TOMÉ DE PARDERRUBIAS
ANEXO DE PARDERRUBIAS
Esta parroquia foi anexo de Parderrubias, igual que San Xurxo.
O Señor da Picoña, Luis Troncoso de Lira, co consentimento dos dous abades, Don García Losada e Sotomaior, de Parderrubias, e Francisco de la Carrera Bugarín, da Picoña, solicitou ao Bispo de Tui Don Anselmo Gómez de la Torre a permuta do anexo de San Salvador de Nogueira pola parroquia se San Martiño da Picoña para que esta pasar a ser ser anexo de Parderrubias, segundo o documento datado o 19 de outubro do ano 1694.
A fachada principal preséntase apilastrada nas esquinas. A porta principal no centro e de arco semicircular e adiántase sobre o plano cunhas pilastras de adorno e moldura partida polo adorno do centro do dintel que fai apoio a unha cornixa moldurada a modo de viseira.
No interior o piso e de pedra e as paredes e bóveda están enfuscadas e pintadas de branco. O retablo maior foi trasladado da antiga igrexa para este lugar, adaptándoo ao paramento. Esta enmarcado nun arco de pedra e apoiado sobre unha base de pedra na parte central.
O corpo central limítase con dúas columnas salomónicas, cun anxiño cada unha na parte inferior entre follas e acios de uvas.
A imaxe do patrón, Santo Tomé, está na fornela lateral dereita. A súa figura leva palio e libro. A rúa lateral ocúpaa San Sebastián, e nos apoios laterais da fornela central, aos lados do sagrario, están as imaxes de Santo Amaro e da Inmaculada.
O retablo do paramento norte presídeo a Virxe do Rosario e nas rúas laterais está San Bieito e San Xosé. As fornelas laterais acollen as imaxes de San Antonio de Padua e Santa Lucía. Toda a imaxinería barroca e de gran calidade.
Salceda de Caselas, moito para ofrecer
Unha oferta turística de calidade espérache no noso municipio
Patrimonio de Salceda de Caselas
A riqueza patrimonial de Salceda é un tesouro da historia e a cultura, onde o tempo pasado entrelázase co presente.
Feiras e festas
As feiras e festas de Salceda son un colorido encontro onde a alegría e a tradición fusiónanse en cada recuncho do noso concello.
Contornas naturais
Salceda de Caselas é un tesouro natural que emociona coa súa diversidade paisaxística. Onde a serenidade da natureza fusiónase coa vida cotiá.
O municipio
As parroquias, coas súas tradicións arraigadas e o seu forte sentido de comunidade, reflicten a historia e a identidade de Salceda de Caselas.
Roteiros de sendeirismo
Os roteiros de sendeirismo eríxense como unha invitación para explorar a beleza natural do noso concello.
Entroido de Salceda de Caselas
Con máis de 130 anos de historia, o entroido de Salceda de Caselas converteuse nun dos máis emblemáticos do baixo Miño.