Cruceiro de Souto Maceira de Parderrubias

Cruceiro cun varal moi alto, quizais o maior de todo o concello. Presenta tres gradas como alicerce dunha base cúbica de bo tamaño. Varal, primeiramente rectangular, logo en forma de prisma octogonal para rematar sendo un cilindro. A orixinalidade deste varal baséase nos santos que o adobían. Pola metade do fuste vemos un santo (quizais Santo Tomé, o patrón da parroquia de Parderrubias) e por detrás Santo Antonio que no canto de telas costas pegadas ó varal, ten o seu lado esquerdo, deste xeito pódese ver de fronte dende o camiño, pois por estar o cruceiro metido nunha esquina, de estar na súa posición normal apenas se vería.

Capitel de catro lados curvos, cunha cabeciña de anxo con ás na metade de cada un, afastados por espirais nas esquinas e por debaixo folliñas agrupadas en dúas riscas. Cruz  rectangular, coas arestas rebaixadas pero os extremos de brazos e testeiro acaban en cadrado. Polo anverso amasa un Cristo. No reverso atopamos unha Virxe de pequeno tamaño, de pé coas mans en oración unidas sobre o peito e cuberta cun mantelo.