Xerais

Salceda homenaxea ao Doutor Zunzunegui

A presentación do libro serve como punto de partida a unha semana adicada ao Dr. Zunzunegui. O vindeiro sábado 21 de novembro, Salceda de Caselas acollerá un acto de homenaxe ao mesmo, que se iniciará ás 11:30 no Cemiterio de Santa María, onde está soterrado, e no que se levará a cabo unha ofrenda floral. A continuación, xa a partir das 12:30, levarase a cabo o acto de homenaxe diante da vivenda que construíu no Concello, na Avenida que hoxe leva o seu nome.

Programa de información sobre SRI

O Concello de Salceda ven de poñer en marcha un programa de información dos Sistemas de Retención Infantil (SRI), tras a entrada en vigor da nova normativa o pasado 1 de outubro. Para levar a cabo esta iniciativa cóntase coa colaboración da Policía Local.

Programa de Apoio a enfermos/as de Alzheimer

A Concellaría de Benestar Social, que dirixe Teresa Pérez, lembra o programa de apoio aos enfermos e enfermas de alzheimer que se leva a cabo no Centro Social da Devesa a través da Asociación de Familiares de Enfermos de Alzheimer e outras demencias de Galicia (AFAGA).